We hope na maganda ang week na ito para sa iyo at sa pamilya mo! Sa tuwing binubuksan natin ang TV para manood ng balita o kaya naman sa tuwing nagchecheck tayo ng mga social media accounts natin, makikita natin yung mga balita tungkol sa racism, injustice, mistreatment at unfairness—lahat ng ito ay hindi tama. Especially nakita na rin natin ang balita tungkol sa ating mga kapatid sa America.

Alam natin na ang mga nakaraang araw ay naging challenging para sa kanila. Na-burden ako when I heard the news and I asked God kung paano ba ako makakatulong. Let me share this verse in James 2:8-9, ang sabi dito,

Gayon man kung inyong ganapin ang kautusang hari, ayon sa kasulatan, Iibigin mo ang iyong kapuwa na gaya ng sa iyong sarili, ay nagsisigawa kayo ng mabuti: Datapuwa’t kung kayo’y nagtatangi ng mga tao, ay nangagkakasala kayo, at kayo’y hinahatulan ng kautusan na gaya ng mga suwail. Ito ang puso ng ating Panginoon, ang mahalin ang kaniyang mga nilikha —ang mahalin tayo.

Bilang isang Kristyano, tungkulin nating mahalin ang ating kapwa katulad ng pagmamahal natin sa ating mga sarili. Walong beses isinulat sa bible ang “Love your neighbors as you love yourself”. Ganoon ka-importante sa Diyos ang mahalin natin ang kapwa natin kaya ginawa Niya rin itong pangalawa sa pinaka-mahalagang utos.

Love your neighbor

Sa sitwasyong ating kinahaharap ngayon,

Paano nga natin maipapakita ang pagmamahal natin sa ating kapwa?

1. Magpakita ng compassion sakanila.

2. Maging gracious tayo sakanila.

3. Tignan ang kanilang kalagayan.

4. Pagsilbihan natin sila.

5. Maging patas sa lahat ng bagay. Makikita natin na ginawa rin ni Jesus ang mga ito nung oras na binigay Niya ang buhay Niya para sa atin.

Ipinakita ni Jesus kung paano maging compassionate, maging gracious, maging concern, mag serve at maging patas. Naniniwala ako na gusto ng Panginoon na maging parte tayo dito. Ipagdasal natin sila, gawin natin ang tama at i-encourage natin sila and i-share ang salita ng Diyos. Makakatulong tayo kapag sinabi natin ang katotohanan at ang tama.

Higit sa lahat, huwag tayong mapagod na magdasal. Dahil nakikinig ang Diyos at magtiwala tayo na Siya mismo ang gagawa ng paraan para saatin.

Here Are Some Practikal Actions Kung Paano tayo Makapag-pakita ng pag-mamahal sa Kapwa

1.) Ipag-dasal – Tunay na may kapangyarihan ang prayer. At tuwing ipinag-dadasal natin ang ating mga neighbor, nagbu-bukas ang panginoon ng opportunity upang sila ay tulungan.

2.) Encourage – I-message ang isa sa’yong mga kaibigan, o kakilala, at banggitin sakanila ang isang bagay na mabuti tungkol sa kanila.

3.) Sumali sa isang Church Community – Ang pag-kakaroon ng isang tunay na relationship sa isang tao ay isa sa pinaka-mabuting paraan upang mag-mahal sa kapwa. Tanggapin natin kung paano sila ginawa ng panginoon, ipag-pray natin sila, tumulong tayo sa abot ng ating makakaya—at higit sa lahat iparanas natin sakanila ang pag-mamahal ni Jesus.

Kung gusto mong maging bahagi ng Filipino Christian Community sa Japan? iniimbitahan ka naming kumonekta sa amin sa mga lokasyong ito.